వచ్చే నెలలో సీబీఎస్ఈ పరీక్షల షెడ్యూల్ రిలీజ్ కానుంది. పది, 12వ త‌ర‌గ‌తుల‌కు సంబంధించిన ఎగ్జామ్ షెడ్యూల్‌ను ఫిబ్రవరి 2వ తేదీన రిలీజ్ చేయనున్న‌ట్లు కేంద్ర విద్యాశాఖ మంత్రి ర‌మేశ్ పోక్రియాల్ నిషాంక్ తెలిపారు.
ఒకవేళ విద్యార్థులు ప్రాక్టిక‌ల్స్‌కు హాజ‌రుకాలేని ప‌క్షంలో వారి కోసం ప్ర‌త్యామ్నాయ ఏర్పాట్లు చేస్తామన్నారు. అయితే గ‌త ఏడాది క‌రోనా వల్ల మార్చిలోనే దేశ‌వ్యాప్తంగా స్కూళ్ల‌ను మూసివేశారు. కొన్ని రాష్ట్రాల్లో మాత్రం మ‌ళ్లీ అక్టోబరులో స్కూళ్లు తెరుచుకున్నాయి. ఇంకా అనేక రాష్ట్రాల్లో బ‌డులు తెర‌వలేదు. బహుశా ఈ విద్యా సంవత్సరం తర్వాతే స్కూల్స్ తెరిచే అవకాశం ఉన్నట్టు తెలుస్తోంది.
