కెఎల్‌హెచ్‌ బాచుపల్లి క్యాంపస్‌లోని ఏఐఎంఎల్ ప్రాజెక్ట్ ఎక్స్‌పో అపూర్వ విజయాన్ని సాధించింది. ఆవిష్కరణ, సహకార స్ఫూర్తితో గుర్తించబడిన ఒక రోజు కోసం విద్యార్థులు, అధ్యాపకులు, ప్రముఖ పరిశ్రమ నిపుణులతో కూడిన శక్తివంతమైన సమావేశాన్ని నిర్వహించింది. ఈ కార్యక్రమానికి ముఖ్య అతిథిగా తెలంగాణ అకాడమీ ఫర్ స్కిల్ అండ్ నాలెడ్జ్(టాస్క్) చీఫ్ ఎగ్జిక్యూటివ్ ఆఫీసర్, తెలంగాణ ప్రభుత్వ ఐటీఈ&సి విభాగం, శ్రీకాంత్ సిన్హా, గౌరవ అతిథిగా టిసిఎస్ హైదరాబాద్ చీఫ్ ఇన్నోవేషన్ ఆఫీసర్ శ్రీ బాల ప్రసాద్ పెద్దిగారి పాల్గొన్నారు. వారితో పాటుగా, ఇతర ప్రముఖ ప్రొఫెషనల్స్, నిపుణుల హాజరు, విద్యార్థుల ప్రయత్నాలకు గణనీయమైన ప్రోత్సాహాన్ని మరియు గుర్తింపును అందించింది.
ప్రముఖ సంస్థలకు చెందిన నిపుణుల ముందు విద్యార్థులు రూపొందించిన వివిధ ప్రాజెక్ట్‌లను ఎక్స్‌పో ప్రదర్శించింది. ఈ పరిశ్రమ నిపుణులు పంచుకున్న అభిప్రాయాలు, జ్ఞానం విద్యార్థులు ఈ రంగాన్ని బాగా అర్థం చేసుకోవడంలో సహాయపడ్డాయి. తమ జ్ఞానం మెరుగుపరుచుకోవతంలో తోడ్పడ్డాయి. ఈ కార్యక్రమానికి హాజరైన అతిథులలో టిసిఎస్‌లో చీఫ్ ఇన్నోవేషన్ ఆఫీసర్ ఉన్నారు; ఫై డేటా సెంటర్స్‌లో ఏఐ- క్లౌడ్ సర్వీసెస్ డైరెక్టర్, రవి కుమార్ రాజు పొత్తూరి; రిలీజ్ అవుల్ వ్యవస్థాపకుడు, సీఈఓ నిరంజన్ గటుపల్లి వున్నారు. ఎన్ టిటి డేటా వద్ద మేనేజ్డ్ సర్వీసెస్ డైరెక్టర్ జిగర్ వాకిల్ ; క్లౌడ్‌ఫుల్‌క్రమ్‌లో డైరెక్టర్లు ఆప్టమ్‌లో సీనియర్ సొల్యూషన్ ఆర్కిటెక్ట్ స్నేహల్ గోసుల, శ్రీనివాస్ దివాకర్ల ; డిబిఎస్ టెక్‌ ఇండియాలో అసిస్టెంట్ వైస్ ప్రెసిడెంట్ లక్ష్మి ప్రసన్న కె కూడా హాజరయ్యారు. అతిథి జాబితాలో విప్రో, జెపి మోర్గాన్ చేజ్, యాక్సెంచర్ వంటి ప్రముఖ కంపెనీలకు చెందిన ముఖ్య వ్యక్తులు కూడా ఉన్నారు, పరిశ్రమ పరిజ్ఞానం, నైపుణ్యం యొక్క గొప్ప మార్పిడికి ఇది దోహదపడింది.
కెఎల్ డీమ్డ్ టు బి యూనివర్శిటీ వైస్ ఛాన్సలర్ డాక్టర్ జి. పార్ధ సారధి వర్మ ఎక్స్‌పోలో విద్యార్థుల విజయాలు, సహకార వాతావరణంపై తన సంతోషాన్ని వ్యక్తం చేస్తూ , "ఈ కార్యక్రమం మా విద్యార్థుల సృజనాత్మకత, సాంకేతిక నైపుణ్యాన్ని అద్భుతంగా ప్రదర్శిస్తుంది. మేము మా పాఠ్యాంశాలను పరిశ్రమల డిమాండ్‌లతో సమలేఖనం చేయడం, సాంకేతికతను ప్రోత్సహించడానికి విద్యాసంస్థలు, పరిశ్రమల మధ్య భాగస్వామ్యానికి ఉత్సాహంగా మద్దతు ఇవ్వడం పై దృష్టి పెడుతున్నాము. మా విద్యార్థులు ఏఐ, ఎంఎల్ సాంకేతికతలను ఉపయోగించి వాస్తవ-ప్రపంచ సవాళ్లకు పరిష్కారాలను సిద్ధం చేయడాన్ని చూడటం సంతోషంగా వుంది. సైద్ధాంతిక అభ్యాసం, ఆచరణాత్మక పరిశ్రమ అనువర్తనాల మధ్య అంతరాన్ని తగ్గించడం కోసం, సాంకేతికతతో నడిచే ప్రపంచంలో విద్యార్థులు వృద్ధి చెందటానికి ఈ తరహా కార్యక్రమాలు చాలా ముఖ్యమైనవి.." అని అన్నారు.
