భోజన ప్రియులకు ఒక శుభవార్త. వినాయ‌క చ‌వితి సంద‌ర్భంగా తమిళనాడు, కోయంబత్తూర్ సిటీలోని అన్నూర్‌ గణేశపురంలోని ఓ హోటల్ పరోటా ప్రియుల క‌డుపునింపి వారి చేతినిండా డబ్బులిచ్చి పంపడానికి సిద్ధంగా ఉంది. సెప్టెంబర్ ఐదు, ఆరో తేదీల్లో ఆ హోట‌ల్‌లో 25 పరోటాలు తింటే రూ.5,001 బహుమతి ఇవ్వనున్నట్టు ప్రకటించింది. దీనికి పరోటా ప్రియుల నుంచి భారీ ఎత్తున స్పంద‌న వ‌స్తోంది.
పోటీలో పాల్గొనడానికి ఇప్ప‌టికే రెండు వేల మంది ప్ర‌జ‌లు మొబైల్‌ ద్వారా, 200 మంది నేరుగా హోట‌ల్‌కు వ‌చ్చి త‌మ పేర్ల‌ను న‌మోదు చేసుకుని వెళ్లారని హోటల్ యజమాని రాజేష్‌ పేర్కొన్నారు. ఈ పోటీల‌ను సాయంత్రం 6 గంట‌ల నుంచి రాత్రి 11గంట‌ల వ‌ర‌కు నిర్వ‌హించ‌నున్న‌ట్లు హోటల్ యాజ‌మాన్యం తెలిపింది. ఈ పోటీలో 25 పరోటాలు లాగించేసి రూ.5,001 గెలుపొందే అదృష్టవంతులెవరో చూడాల్సిందే!
