నిత్యం వందల కేసులు నమోదవుతున్నాయి. ఈ నేపథ్యంలో అధికారులు కరోనా రోగులకు ఆత్మస్థైర్యం పెంపొందించేందుకు వారిని నిత్యం ఉల్లాసంగా ఉంచడానికి తగిన చర్యలు తీసుకుంటున్నారు. ఇందులో భాగంగా వారికి క్రీడలు, సంగీతం వంటి వాటితో కరోనా థెరఫీ అందిస్తున్నారు.
ఉదయం శ్రీ వేంకటేశ్వర సుప్రభాతంతో ప్రారంభించి ఆపై రోగులకు తమకు ఇష్టమైన పాటలు వినే సదుపాయం కల్పించారు. అంతేకాకుండా క్వారంటైన్ కేంద్రాలలో క్రీడలకు సంబంధించిన అన్ని రకాల ఉపకరణాలు అందుబాటులో ఉంచారు. వాలీబాల్, బ్యాడ్‌మింటన్, క్యారమ్ ఇలా క్రీడలతో అనంతపురం జిల్లా కోవిడ్ క్వారంటైన్ కేంద్రాలు సందడిగా మారాయి.
