ప్రతి రోజూ భారీ సంఖ్యలో కొత్త పాజిటివ్ కేసులు నమోదవుతున్నాయి. ఒక్క శుక్రవారమే ఏకంగా 32 వేల పైచిలుకు కేసులు నమోదయ్యాయంటే పరిస్థితి ఏ విధంగా ఉందో అర్థం చేసుకోవచ్చు. మరోవైపు, 24 గంటల వ్యవధిలోనే 1480 మంది మృత్యువాత పడ్డారు.
ఇకపోతే, స్పెయిన్ కూడా కోరనా దెబ్బకు విలవిల్లాడిపోతోంది. ప్ర‌తిరోజూ అంతకంతకూ కరోనా కేసులు పెరిగిపోతుండగా... మరోవైపు జనం పిట్టల్లా రాలిపోతున్నారు. అక్క‌డ మార్చి 14 నుంచి స్పెయిన్‌లో లాక్‌డౌన్‌ అమలవుతున్న కూడా... రోజూ పెద్ద సంఖ్యలో కొత్త కేసులు నమోదవుతూనే ఉన్నాయి. గడిచిన 24 గంటల్లో 7,134 పాజిటివ్‌గా తేలారు.
ప్రస్తుతం 77,488 మంది ఆస్పత్రుల్లో చికిత్స పొందుతుండగా, వీళ్లలో 6,416 మంది పరిస్థితి విషమంగా ఉంది. కరోనా వైరస్ వల్ల మార్చి 17 నుంచి రోజూ వందకు పైగా మరణాలు సంభవిస్తున్నాయి. మార్చి 23 నుంచి రోజూ 500కు తక్కువ కాకుండా జనం చనిపోతున్నారు. గత ఐదురోజులుగా చూసుకుంటే దాదాపు వెయ్యి మంది ప్రాణాలు కోల్పోతున్నారు.
