Zimbabwe cricketer Guy Whittall
జింబాబ్వే మాజీ క్రికెటర్ గై విట్టాల్, చిరుతపులి దాడితో ఆసుపత్రి పాలయ్యాడు. త‌న య‌జ‌మానిపై చిరుత దాడి చేయ‌గా త‌న ప్రాణాల‌కు తెగించి కుక్క అత‌డి ప్రాణాల‌ను కాపాడింది. 51 ఏళ్ల మాజీ ఆల్‌ రౌండర్ అయిన గై విట్టాల్ జింబాబ్వేలో స‌ఫారీ నిర్వ‌హిస్తున్నాడు. ఇటీవ‌ల అత‌డు హ్యూమ‌ని ప్రాంతంలో త‌న పెంపుడు కుక్క చికారాను తీసుకుని ట్రెక్కింగ్‌కు వెళ్లాడు. ఆ స‌మ‌యంలో హ‌ఠాత్తుగా అత‌డిపై చిరుత దాడి చేసింది. వెంట‌నే అప్ర‌మ‌త్త‌మైన చికారా త‌న య‌జ‌మానిని ర‌క్షించేందుకు చాలా తీవ్రంగా ప్ర‌య‌త్నించింది. ఈ క్ర‌మంలో చికారా కూడా తీవ్రంగా గాయ‌ప‌డింది. అయిన‌ప్ప‌టికీ త‌న పోరాటం ఆప‌లేదు. చివ‌ర‌కు చిరుత వెళ్లిపోయింది.
