టీమిండియా స్టార్ ప్లేయర్ యువరాజ్ సింగ్, తన స్నేహితురాలు, నటి హాజల్ కీచ్‌ను బుధవారం అతను పెళ్లాడాడు. చండీగఢ్‌కు 40 కిలోమీటర్ల దూరంలో ఫతేగఢ్ సాహిబ్ గ్రామం వద్ద ఉన్న ధార్మిక కేంద్రం ‘బాబా రాందేవ్ సింగ్ డేరా’లో వివాహ వేడుక జరిగింది. పంజాబీ సంప్రదాయం ‘ఆనంద్ కరాజ్’ పద్ధతిలో యువీ వివాహం జరిగింది.
అనంతరం రాందేవ్ సింగ్ కొత్త దంపతులను ఆశీర్వదించారు. ఈ నేపథ్యంలో మైదానంలో ఎప్పుడూ సీరియస్‌గా ఉండే.. గంభీర్ యువీ పెళ్ళిపై ఫన్నీ కామెంట్స్ చేశాడు. యువరాజ్ సింగ్‌ను ఆటపట్టిస్తూ గంభీర్ చేసిన సరదా ట్వీట్ సోషల్‌ మీడియాలో వైరల్‌గా మారింది. పెళ్లైన సందర్భంగా యువీకి పలు జాగ్రత్తలు చెబుతూ గంభీర్ ట్వీట్ చేశాడు.
పెళ్లయ్యాక చాలా కష్టాలు తప్పవ్. కొత్త పెళ్లి కొడుక్కి తాను సహాయం చేస్తానని, భార్య నుంచి బౌన్సర్లను ఎదుర్కొనేందుకు తన వద్ద కొన్ని టిప్స్ ఉన్నాయని గంభీర్ వ్యాఖ్యానించాడు. యువీని ఈసారి కలిసినపుడు ఆ టిప్స్ ఏంటో చెప్తాను. అప్పటివరకు మాత్రం యువీకి బెస్ట్ విషెస్ అంటూ గంభీర్ ట్వీట్ చేశాడు.
