తొలి వన్డేలో ఓటమిని ఎదుర్కొని.. రెండో వన్డేలో మ్యాచ్‌ను టైగా ముగించిన విండీస్.. మూడో వన్డేలో ఏకంగా ఆతిథ్య భారత్‌ను మట్టికరిపించింది. ఆల్‌రౌండ్ షోతో సత్తాచాటిన కరీబియన్ టీమ్ ఐదు వన్డేల సిరీస్‌ను 1-1తో సమం చేసింది. బ్యాటింగ్, బౌలింగ్ విభాగాల్లో ఆ జట్టు ఆటగాళ్లు ప్రదర్శన ఆద్యంతం ఆకట్టుకుంది. భారత బౌలర్లలో బుమ్రా, కుల్దీప్ యాదవ్ మినహా మిగతా బౌలర్లు ధారళంగా పరుగులిచ్చారు.
దీంతో విండీస్ 43 పరుగుల తేడాతో గెలుపొందింది. కెప్టెన్ విరాట్ కోహ్లీ (107: 119 బంతుల్లో 10ఫోర్లు, సిక్స్) అద్భుత శతకం వృథా అయింది. శిఖర్ ధావన్(35) మినహా మిగతా బ్యాట్స్‌మెన్ విఫలమయ్యారు. విండీస్ బౌలర్లలో మార్లోన్ శామ్యూల్స్ మూడు, జాసన్ హోల్డర్, మెకాయ్, నర్స్ తలో రెండు వికెట్లు పడగొట్టారు.
