ప్రాక్టీస్ సెషన్స్‌ నుంచి వచ్చిన తర్వాత సిరాజ్‌కు ఈ విషయం గురించి తెలిసింది.అయితే కరోనా పరిస్థితుల నేపథ్యంలో క్వారంటైన్ నిబంధనల కారణంగా సిరాజ్ తన తండ్రి అంత్యక్రియల కోసం భారత్‌కు వచ్చే అవకాశం లేదు. తండ్రి మరణవార్త విని మహ్మద్ సిరాజ్ షాక్ అయ్యాడు. తన జీవితంలో అతిపెద్ద మద్దతు కోల్పోయానని.. దేశాన్ని గర్వించేలా చేయాలనే కోరుకునే తండ్రి ఇక లేరనే వార్తను సిరాజ్ జీర్ణించుకోలేకపోతున్నట్లు కన్నీటి పర్యంతం అయ్యాడు.
ఇక, యూఏఈలో జరిగిన ఐపీఎల్ 2020లో రాయల్ చాలెంజర్స్ బెంగళూరు జట్టు తరఫున సిరాజ్ ఆడిన సంగతి తెలిసిందే. ఐపీఎల్ జరుగుతున్న సమయంలోనే సిరాజ్.. తన తండ్రి ఆరోగ్య పరిస్థితి బాగోలేదని ఓ వీడియో ద్వారా చెప్పాడు. ఇది తనకు ఆందోళన కలిగిస్తోందని కూడా తెలిపాడు. ప్రస్తుతం ఆయన వద్దకు వెళ్లలేని.. ఫోన్‌లో మాట్లాడుతున్నానని కన్నీరు పెట్టుకున్నాడు.
