ఇంకా టిమ్పైన్ మాట్లాడుతూ.. ''కోహ్లీ గురించి నన్ను చాలా మంది అడుగుతుంటారు. అయితే, నా దృష్టిలో అందరిలాగే అతడూ ఒక ఆటగాడు మాత్రమే. తన విషయంలో నేనేం కంగారు పడను. నిజం చెప్పాలంటే కోహ్లీతో మాకు అంత బలమైన బంధం లేదు.
టాస్ వేసేటప్పుడు మాత్రమే అతడిని చూస్తాను. తర్వాత కలిసి ఆడతాం. అంతకుమించి ఇంకేం ఉండదు. అతడిని మేం ఇష్టపడం కానీ, ఒక క్రికెట్ అభిమానిగా మాత్రం అతడు ఆడుతుంటే చూడాలనుకుంటాం. అతడి బ్యాటింగ్‌ను ఆస్వాదించినా ఎక్కువ పరుగులు సాధించడం నచ్చదు. మా రెండు జట్ల మధ్య హోరాహోరీ పోటీ ఉంటుంది. అందులో ఎలాంటి సందేహం లేదు. అలాగే ఈ సిరీస్‌ కోసం ఆసక్తిగా ఎదురుచూస్తున్నా'' అని ఆస్ట్రేలియా కెప్టెన్ పేర్కొన్నాడు.
