వెస్టిండీస్‌తో జరుగుతున్న నాలుగు టెస్టుల సిరీస్‌లో ఇప్పటికే భారత్ 1-0తో ఆధిక్యం సాధించిన సంగతి నేపథ్యంలో.. భారత్ స్పిన్న‌ర్ అమిత్ మిశ్రా, కోచ్ అనిల్ కుంబ్లేని ప‌నితీరును కొనియాడారు. విండీస్‌తో రెండో టెస్టు శనివారం ప్రారంభం కానున్న నేపథ్యంలో.. మిశ్రా మాట్లాడుతూ అనిల్ భాయ్ లాంటి మేధావితో కలిసి పనిచేయడం తన అదృష్టమన్నాడు.
భారత జట్టుకు హెడ్ కోచ్‌గా కుంబ్లే రాకతో మొదటి మ్యాచ్‌లోనే టీం ఇండియా కేక ప్రదర్శన ఇచ్చింది. ఇప్పుడు ఇదే చర్చ సోషల్ మీడియాలో జరుగుతోంది. కుంబ్లే తనదైన స్టైల్లో చక్కని బాధ్యత నిర్వహించి అపూర్వ విజయాన్ని అందించాడని పలువురు అభిమానులు అభినందిస్తున్నారు. వెస్టిండీస్‌తో జరిగిన మొదటి టెస్ట్ మ్యాచ్‌లో కోహ్లీ సేన ఘనవిజయం సాధించిన సంగతి తెలిసిందే.
