రాహుల్, రషీద్ రికార్డులు
ఐపీఎల్‌లో ఇప్ప‌టివ‌ర‌కు 94 మ్యాచ్‌లు ఆడిన కేఎల్ రాహుల్ 47 స‌గ‌టుతో 3273 ప‌రుగులు చేశాడు. ఇందులో 2 సెంచ‌రీలు, 27 హాఫ్ సెంచ‌రీలు ఉన్నాయి. ఐపీఎల్‌లో ఇప్ప‌టివ‌ర‌కు 76 మ్యాచ్‌లాడిన రషీద్ ఖాన్ 93 వికెట్లు తీశాడు. అత్యుత్త‌మ గ‌ణాంకాలు 3/7 గా ఉన్నాయి. ఎకాన‌మీ 6.33గా ఉండ‌డం గ‌మ‌నార్హం.
ఇకపోతే.. టీ20 ఫార్మాట్లో కేఎల్ రాహుల్, రషీద్ ఖాన్ త‌ల‌ప‌డిన మ్యాచ్‌ల్లో ఆఫ్ఘ‌నిస్థాన్ స్పిన్న‌ర్‌దే పై చేయిగా నిలిచింది. టీ20 ఫార్మాట్లో రషీద్ ఖాన్ వేసిన 30 బంతులు ఎదుర్కొన్న రాహుల్ 18 ప‌రుగులు మాత్రమే చేశాడు. రాహుల్ స్ట్రైక్ రేట్ 60 మాత్రమే కాగా, స‌గ‌టు కేవలం 6 గానే ఉంది. 14 బంతులు డాట్స్ కాగా రషీద్ ఖాన్ చేతిలో కేఎల్ రాహుల్ 3 సార్లు ఔట‌య్యాడు.
