కాగా శుక్రవారం నాడు ఆమె తన అత్తయ్యగారితో కలిసి కారులో బయలుదేరారు. ఆమె తురైయూర్ సమీపానికి రాగానే భారీ వర్షం కురవడం మొదలైంది. ఆ వర్షంలోనే వెళ్తున్న సత్య కారు రైల్వే అండర్ బ్రిడ్జి కింద వాన నీటిలో చిక్కుకుపోయింది. ఎంతకీ కదల్లేదు. వెంటనే కారు నుంచి సత్య అత్తయ్య కిందకు దిగి బయటకు వచ్చారు. కానీ సత్య బయటకు వచ్చేందుకు ఎంత ప్రయత్నించినా ఆమె సీటుకి పెట్టుకున్న బెల్ట్ రాలేదు. అది పూర్తిగా లాక్ అయిపోయింది. దీనితో ఆమెను వాన నీరు ముంచేసింది. ఊపిరాడక సత్య అక్కడే ప్రాణాలు విడిచారు.
