ఆకుకూరల్లో ప్రధానం పాలకూర. పాలకూరలో పోషకాలు సమృద్ధిగా ఉంటాయి. విటమిన్‌ ఎ, సి, పీచుపదార్థం, ఫోలిక్‌ యాసిడ్‌, మెగ్నిషియం, క్యాల్షియం పాలకూరలో పుష్కలంగా ఉంటాయి. అంతేకాకుండా పాలకూరలో యాంటీఆక్సిడెంట్‌ అధికంగా ఉంటాయి. మిగిలిన ఆకుకూరలతో పోలిస్తే పాలకూర అనేక పోషకాలను అందిస్తుంది. తద్వారా మతిమరుపు వ్యాధి నుండి విముక్తి చెందవచ్చును. అటువంటి పాలకూరతో పిజ్జా ఎలా చేయాలో చూద్దాం.
తయారీ విధానం:
ముందుగా ఒక గిన్నెలో రెండు స్పూన్స్ వెన్న వేసి పొయ్యిమీద పెట్టాలి. అది కరిగాక తరిగిన వెల్లుల్లి, కడిగిన పాలకూర వేయాలి. కాసేపటి తరువాత కొద్దిగా ఉప్పు, కొద్దిగా నీళ్లు చల్లాలి. పాలకూర బాగా ఉడికాక స్వీట్‌కార్న్‌ వేసి కలపాలి. ఇది కూరలా తయారయ్యాక దింపేయాలి. ఇప్పుడు బ్రెడ్ ముక్కలకు మిగిలిన వెన్న రాసి దోరగా కాల్చి తీసుకోవాలి. వాటిమీద ఉడికించిన పాలకూర మిశ్రమం, చీజ్‌ తురుము పరిచి మళ్లీ పెనంపై పెట్టాలి. చీజ్‌ కరిగిన తరువాత ఆ బ్రెడ్ ముక్కను తీసేయాలి. అంతే పాలకూర పిజ్జా రెడీ.
