బొబ్బర్లలో మాంసకృత్తులు, కార్బొహైడ్రేడ్లు, కొవ్వు, డైటరీ పీచు పుష్కలంగా వుంటాయి. బొబ్బర్లను ఆహారంలో చేర్చుకోవడం ద్వారా ఆరోగ్యానికి ఎన్నో పోషకాలు అందుతాయి. ఇందులోని ప్రోటీన్లు నెమ్మదిగా జీర్ణం కావడంతో ఆకలి వేయకుండా వుంటుంది. అంతేగాకుండా బొబ్బర్లు బరువును పెంచవు.
బొబ్బర్లలో దాగివున్న ట్రిఫ్టోఫాన్ నిద్రలేమి సమస్యను దూరం చేస్తుంది. నిద్రలేమితో బాధపడేవారు బొబ్బర్లను కూరగాయలతో కలిపి సలాడ్ల రూపంలో తీసుకుంటే ఆరోగ్యానికి ఎంతో మేలు చేకూరుతుంది. ఇందులోని విటమిన్, ఎ, సీలు ఫ్రీరాడికల్స్‌ను తొలగిస్తాయి. తద్వారా క్యాన్సర్ కణాలను పెరగనీయకుండా అడ్డుకుంటాయి. ఇంకా రక్తంలో కొలెస్ట్రాల్‌ను తగ్గిస్తాయి. డయాబెటిస్‌ను నియంత్రిస్తాయని ఆరోగ్య నిపుణులు అంటున్నారు.
