వెస్టిండీస్ జాతీయ జట్టులో సభ్యుడుగా ఉన్న ఓ క్రికెటర్ చిక్కుల్లో పడ్డారు. ఆయన ఏకంగా ఓ మైనర్ బాలికతో పాటు ఏకంగా 11 మంది బాలికలపై అత్యాచారం, లైంగికదాడి, వేధింపులకు పాల్పడినట్టు ఆరోపణలు వస్తున్నాయి. అయితే, కేసును తొక్కేసేందుకు క్రికెటర్‌తో చేతులు కలిపి పోలీసులు ప్రయత్నిస్తున్నట్టు బాధితులు ఆవేదన వ్యక్తం చేస్తూ తమకు న్యాయం చేయాలని వారు కోరుతున్నారు.
ఈ కేసును బయటకు రాకుండా చేసేందుకు క్రికెటర్ అనుచరులతో పాటు గయానా పోలీసులు కూడా ప్రయత్నిస్తున్నారని బాధితురాలి కుటుంబం ఆరోపించింది. ఈ వార్త వెలుగులోకి వచ్చిన తర్వాత మరికొందరు మహిళలు ముందుకు వచ్చి తమ వద్ద ఉన్న స్క్రీన్ షాట్లు, వాయిస్ నోట్స్, మెడికల్ రిపోర్టులు వంటి ఆధారాలను బయటపెడుతున్నారు.
