ఒక వ్యక్తి యొక్క రోగనిరోధక శక్తి ఆరోగ్యంగా బాగా వున్నప్పుడు, ఎలాంటి ఒత్తిడి లేకుండా ఉన్నప్పుడు టీకా ఉత్తమంగా పనిచేస్తుందని అందరికీ తెలుసు. ఐతే అప్పటికే ఉన్న అనారోగ్యం, లేదా అనారోగ్యంగా వున్న సమయంలో, రోగనిరోధక వ్యవస్థ ఇప్పటికే వైరస్‌తో పోరాడటంలో బిజీగా ఉంటుంది.
అంటే.. ఆ సమయంలో వ్యాక్సిన్ తీసుకుంటే దాని పనితీరుపై ప్రభావం పడుతుంది. అందుకే ఏమైనా రుగ్మతలు వున్నప్పుడు అవి తగ్గాక టీకా తీసుకోవాలని వైద్య నిపుణులు చెపుతుంటారు. దగ్గు, జ్వరం వంటి శ్వాసకోశ లక్షణాలతో బాధపడటం ప్రస్తుత కాలంలో రెట్టింపు ప్రమాదకరం. ఎందుకంటే అవి కోవిడ్ 19 లక్షణాలు కూడా కావచ్చు. అందువల్ల సమస్య మామూలేగా అని వదిలేయకూడదు.
