మీరు పుట్టుకతోనే శాకాహారులా... శాకాహారం తప్ప మాంసాహారాన్ని అస్సలు ముట్టుకోరా? అయితే మీరు పప్పులో కాలేసినట్టే! ఎందుకంటే శాకాహారం అనుకుని మీరు తింటున్న ఆహారంలో కూడా ఎంతో కొంత మాంసాహారం కలుస్తుందని మీకు తెలుసా... శాకాహారంగా కనిపిస్తున్నా కొన్ని పదార్థాల్లో ఎంత లేదన్నా కొంత మాంసం లేదా దాని సంబంధ పదార్థాలు కొంతవరకైనా కలిసుంటాయట. అవేంటో ఇప్పుడు చూద్దామా...
బీర్, వైన్ వంటి ఆల్కహాల్ డ్రింక్స్లోనూ మాంసం లక్షణాలు లేకపోలేదు. ఫిష్ బ్లాడర్, జంతువుల ఎముకలు, లిగ్మెంట్స్ నుంచి తీసిన పలు పదార్థాలను ఈ ఆల్కహాలిక్ డ్రింక్స్ తయారీలో వాడతారట.
ఒమెగా 3 ఫ్యాటీ యాసిడ్లు ఎక్కువగా ఉన్న బ్రెడ్ని చిన్నా పెద్దా తేడా లేకుండా తింటారు. అయితే వాటిలో చేపల ఆయిల్తోపాటు, అవిసె గింజలు, మనిషి, పంది, కోడి వెంట్రుకల నుంచి తీసిన ఎల్-సిస్టీన్ అనే పదార్థాలను ఉపయోగిస్తారట.