పచ్చి టొమాటోలు తినడం వల్ల కలిగే ప్రయోజనం ఏంటో తెలుసా?

టొమాటోలు మన ఆరోగ్యానికి చేసే మేలు ఎంతో వుంది. వీటిని కూరలు, సూప్‌లు, సలాడ్‌లు ఇలా.. ఏ వంటలోనైనా టమోటో తప్పనిసరిగా వాడుతుంటారు. ఎక్కువగా బాగా ఎర్రగా పండిన ఎరుపు రంగు టమోటాలు మాత్రమే ఉపయోగిస్తారు.

పచ్చి టమోటాలు తినడం ఆరోగ్యానికి మంచిది కాదనే అపోహ చాలా మందిలో ఉంది. అయితే అది నిజం కాదు. ఎర్ర టొమాటోలే కాదు పచ్చి టమోటాలు కూడా ఆరోగ్యానికి మేలు చేస్తాయి. వీటిని తినడం వల్ల కలిగే ప్రయోజనాలు  ఏమిటో తెలుసుకుందాం.

పచ్చి టమోటాలలో విటమిన్ సి, యాంటీ ఆక్సిడెంట్లు పుష్కలంగా ఉంటాయి. ఇవి రోగనిరోధక శక్తిని పెంచుతాయి. అంతేకాకుండా ఆరోగ్య సమస్యలు, ఇన్ఫెక్షన్ల నుంచి విముక్తి కల్పిస్తాయి. పచ్చి టమోటాలు కంటికి మేలు చేస్తాయి. ఇందులో బీటా కెరోటిన్ పుష్కలంగా ఉంటుంది. వీటిని తినడం వల్ల కంటి సమస్యలు తగ్గి కంటి ఆరోగ్యం మెరుగుపడుతుంది.

పచ్చి టమోటాలు రక్తపోటును తగ్గించడంలో బాగా సహాయపడుతాయి. అధిక రక్తపోటు ఉన్నవారు పచ్చి టమోటాలు తినడం మంచిది. ఇందులో సోడియం తక్కువగానూ, పొటాషియం ఎక్కువగానూ ఉంటుంది. పచ్చి టొమాటోలు ఆరోగ్యానికే కాదు చర్మానికి కూడా మేలు చేస్తాయి. గ్రీన్ టొమాటోలో విటమిన్ సి పుష్కలంగా ఉంటుంది. ఇది చర్మ కణాలను ఏర్పరుస్తుంది మరియు ముడతలను తగ్గిస్తుంది. కనుక పచ్చి టమోటాలను వంటకాల్లో చేర్చుకుంటూ వుండాలి.