శరీరంలో వున్న ట్యాక్సిన్లను తొలగిస్తుంది. ఇందులో వుండే పిండి పదార్థాలు ఆకలిని నియంత్రిస్తాయి. ఉలవల్ని తీసుకుంటే కడుపునిండిన భావన కలుగుతుంది. తద్వారా ఆహారాన్ని మితంగా తీసుకోవడం జరుగుతుంది. ఫలితంగా బరువు తగ్గుతారని వైద్యులు చెప్తున్నారు. ఉలవలను బాగా నీటిలో మరిగించి ఆ నీటిని సేవించడం ద్వారా జలుబు నయం అవుతుంది.
శరీర అవయవాలను బలపరిచే శక్తి ఉలవలకు వుంది. మహిళల్లో నెలసరి సమస్యలను ఇది దూరం చేస్తుంది. ప్రసవానికి అనంతరం ఉలవలను మహిళలు తీసుకుంటే శరీరంలోని వ్యర్థాలు తొలగిపోతాయి. ఉలవలను వేయించి పొడి చేసుకుని సీసాలో భద్రపరుచుకోవాలి. ఒక గ్లాసుడు నీటిలో జీలకర్రను, ఉలవల పొడిని వేసి మరిగించి ఆ నీటిని పరగడుపున తీసుకుంటే ఒక మాసంలో ఐదు కేజీల వరకు బరువును తగ్గించుకోవచ్చు.
