మీ శరీరం ఉడికించిన బియ్యంలో ఉన్న పిండి పదార్థాన్ని సాధారణ చక్కెరగా విచ్ఛిన్నం చేస్తుంది. కాలేయం, కండరాలు, మెదడు, ఇతర కణజాలాలకు ఇంధనం ఇవ్వడానికి చక్కెరను ఉపయోగిస్తుంది. బ్రౌన్ రైస్‌లో ఫైబర్ అనే ప్రత్యేకమైన కార్బోహైడ్రేట్ కూడా ఉంది. ఇది హృదయ సంబంధ వ్యాధుల నుండి రక్షణను అందిస్తుంది.
ఉడికించిన బియ్యంలో మాంగనీస్, సెలీనియం వుంటాయి. రెండు ఖనిజాలు మంచి ఆరోగ్యం కోసం మీకు అవసరమైన ఎంజైమ్‌లను సక్రియం చేస్తాయి. సెలీనియం-ఆధారిత ఎంజైమ్‌లు థైరాయిడ్ గ్రంథి, రక్తనాళాల పనితీరును మెరుగుపరుస్తాయి. మాంగనీస్-ఆధారిత ఎంజైమ్‌లు బంధన కణజాలాలను బలంగా ఉంచుతాయి. కణాలు శక్తిని ఉత్పత్తి చేయడంలో సహాయపడతాయి.
పెద్దలందరికీ రోజుకి 55 మైక్రోగ్రాముల సెలీనియం అవసరం. పురుషులకు రోజూ 2.3 మిల్లీగ్రాముల మాంగనీస్ అవసరమైతే, మహిళలకు ప్రతిరోజూ 1.8 మిల్లీగ్రాములు అవసరమని ఇన్స్టిట్యూట్ ఆఫ్ మెడిసిన్ తెలిపింది. ఉడికించిన ధాన్యం సగం కప్పులో 33 మైక్రోగ్రాముల సెలీనియం, 0.4 మిల్లీగ్రాముల మాంగనీస్ ఉన్నాయి.
బాయిల్డ్ రైస్ ఎక్కువ ఇనుము, రాగిని కలిగి వుంటాయి. ఐరన్ మీ శరీరం ఆక్సిజన్‌ను రవాణా చేయడానికి అవసరమైన ఎర్ర రక్త కణాలను ఉత్పత్తి చేయడంలో సహాయపడుతుంది. మెదడు పనితీరుకు అవసరమైన న్యూరోట్రాన్స్మిటర్లను తయారు చేయడానికి రాగి సాయపడుతుంది. రెండు ఖనిజాలు ఆరోగ్యకరమైన జీవక్రియకు దోహదం చేస్తాయి.
19 నుండి 50 సంవత్సరాల వయస్సు గల మహిళలకు రోజూ 18 మిల్లీగ్రాముల ఇనుము అవసరం, 50 ఏళ్లు పైబడిన మహిళలకు, అన్ని వయసుల పురుషులకు రోజూ 8 మిల్లీగ్రాములు అవసరం. కనుక వీలున్నప్పుడల్లా బాయిల్డ్ రైస్‌ను కూడా ఆహారంలో భాగం చేసుకుంటుండాలి.
