చాలా మంది స్త్రీలు గర్భ నిరోధక మాత్రలు వాడి ఆరోగ్యానికి హాని కొని తెచ్చుకుంటున్నారు. గర్భనిరోధక మాత్రలను కూడా ఎక్కువ కాలం ఉపయోగిస్తే దాని ప్రభావం ఆరోగ్యంపై చూపుతుందని నిపుణులు హెచ్చరిస్తున్నారు. అంతేకాదు ఈ మాత్రలను ఉపయోగించే వారికి కళ్ల సమస్యలు వస్తున్నట్టు నిపుణులు అంటున్నారు. అవాంచిత గర్భంను తొలగించేందుకు, గర్భం వస్తుందనే భయంతో ఇటీవల యువత ఎక్కువగా గర్భనిరోధక మాత్రలు వినియోగిస్తున్నారు.
ఈ మాత్రలు మోతాదును మించితే ప్రాణహాని కలుగుతుందని స్త్రీలు గుర్తించట్లేదు. గర్భనిరోధక మాత్రలు ఎక్కువగా వాడటం వల్ల శరీరంలో ఐరెన్ శాతం బాగా తగ్గుతుందని, దాంతో ఐరన్ లోపానికి సంబంధించిన వ్యాధుల బారిన పడతారని వైద్యులు అంటున్నారు. అంతేకాదు ఈ మాత్రలు అధికంగా ఉపయోగించడం వల్ల ఆడవారికి జట్టు ఊడిపోయే సమస్య వస్తుందట.