చాలా మంది బరువు తగ్గేందుకు ప్రతి రోజూ ఉదయం, సాయంత్రం వేళల్లో వాకింగ్ చేస్తుంటారు. ఇలాంటి వారికి అమెరికాలోని బ్రిగ్‌హామ్ యంగ్ విశ్వవిద్యాలయ అధికారులు షాకింగ్ న్యూస్ వెల్లడించారు. ప్రతి రోజూ వాకింగ్ చేయడం వల్ల బరువు పెరుగుదలకు అడ్డుకట్ట పడుతుందనే భావన సరికాదన్నారు.
ఇందుకోసం ఈ వర్శిటీకి చెందిన 120 మంది యువకులపై ఓ అధ్యయనం జరిపారు. ఇందులో ఈ విషయం వెల్లడైంది. ముఖ్యంగా, యువకులంతా పెడోమీటర్లు తప్పనిసరిగా ధరించాలనే నిబంధన విధించారు. వాటి ద్వారా వారు రోజూ ఎన్ని అడుగులు నడుస్తున్నారనే వివరాలను సేకరించారు.
