గ్రామాల్లో… పట్టణాల్లో… కాస్తంత స్థలం ఉన్న ప్రతివారూ ఇంట్లో వేసుకునే చెట్టు మందారం. ఇందులో ముద్ద మందారం, రేఖ మందారం ఇలా చాలా రకాలున్నాయి. ఇలా అనేక రకాలుగా పూచే మందార పూలు అందానికే కాదు… ఆరోగ్యానికి కూడా ఎంతో ఉపయోగపడతాయి. ఒక్క పువ్వులే కాదు... ఆకులు కూడా ఎంతో ఉపయోగపడుతుంది. తల ఒత్తుగా పెరగడానికి… జుట్టు రాలిపోకుండా ఉండడానికి… చర్మ వ్యాధులు నియంత్రించడానికి మందార పూలు, ఆకులు కూడా ఉపయోగపడతాయి.
మందాల పువ్వులే కాకుండా ఆకులు కూడా వైద్యంలో ఉపయోగిస్తారు. గర్భాశయ సమస్యలను మందార సహాయంతో నివారిస్తారు. మందాల పూలతో తయారు చేసే టీ శరీరంలోని వేడిని తగ్గిస్తుంది. మందార ఆకుతో చేసిన టీని తాగడం వల్ల రక్తపోటు తగ్గుతుంది. మందార ఆకు టీ సేవించటం వలన రోగనిరోధక శక్తి పెరిగి తద్వారా జలుబు, దగ్గు తగ్గటానికి సహాయపడుతుంది. మందార ఆకు కొలెస్ట్రాల్ స్థాయిలను తగ్గించడానికి ఉపయోగపడుతుంది. మందార ఆకులలో యాంటీఆక్సిడెంట్లు అధికంగా ఉంటాయి. శరీరంలో ఫ్రీ రాడికల్స్ తొలగించి వృద్ధాప్య ఛాయలను నివారించడానికి తోడ్పడుతుంది.