కల్తీ...కల్తీ ... కల్తీ..!! ఇప్పుడు ఏవి చూసినా... ఎక్కడ చూసినా కల్తీ వస్తువులే కనిపిస్తున్నాయి. బియ్యం నుండి బంగారం వరకు... డబ్బు నుండి మనషుల వరకు.. ఇలా అన్నిట్లోనూ కల్తీ వస్తువులే తయారవుతున్నాయి. సాధారణంగా బియ్యం, పప్పులో రాళ్లు కలపడం ఇలా తిను పదార్థాలలో కేవలం కల్తీ మాత్రమే జరిగేది.. కానీ ఇప్పుడు ఏకంగా కల్తీకి బదులు నకిలీవే వచ్చేస్తున్నాయి. వీటితో ఆరోగ్యం పాడవడంతో పాటు.. వైద్యం కోసం డాక్టర్లకు పెట్టే ఖర్చు దాదాపు రూ.లక్షల్లో ఉంటుంది. ఇప్పుడు గుడ్లలో కూడా నకిలీ గుడ్లు వచ్చేసాయి.
కొన్ని ప్ర‌త్యేక ప‌దార్థాల‌ను, ర‌సాయ‌నాల‌ను ఉప‌యోగించి త‌యారు చేస్తున్న ఈ నకిలీ కోడిగుడ్లు ఎక్కువ‌గా చైనాలో త‌యార‌వుతున్నాయని నిపుణులు అంట‌ున్నారు. మ‌న తెలుగు రాష్ట్రాల్లో పెద్ద ఎత్తున వీటిని విక్ర‌యిస్తున్న‌ట్టు తాజాగా తెలిసింది. సాధార‌ణ కోడిగుడ్ల క‌న్నా త‌క్కువ ధ‌ర‌కే వ‌స్తుండ‌టంతో వ్యాపారులు వీటిని మామూలు కోడిగుడ్ల‌లో క‌లిపి అమ్ముతున్న‌ట్టు సమాచారం. కొన్ని కిటుకులు తెలుసుకుంటే నకిలీ, అస‌లు కోడిగుడ్లను సుల‌భంగా గుర్తించ‌వ‌చ్చు…
* అస‌లు కోడిగుడ్డుకు షైన్ కొద్దిగా త‌క్కువ‌గా ఉంటుంది. కల్తీ కోడి గుడ్డు మెరుస్తుంది.
* నకిలీ గుడ్ల‌కు అస‌లు నీచు వాసన ఉండ‌దు. అస‌లు కోడిగుడ్ల‌కు ఎంత లేద‌న్నా కొద్దిగా నీచు వాసన వ‌స్తుంది.
* అస‌లైన గుడ్డు క‌న్నా నకిలీ కోడిగుడ్డును పైన తాకితే గట్టిగా అనిపిస్తుంది.
* కోడిగుడ్డును కొనేటప్పుడు ఊపి చూడాలి. లోపల నుంచి ఏవైనా సౌండ్స్ వ‌స్తే దాన్ని న‌కిలీగా గుర్తించాలి. ఎందుకంటే నకిలీ గుడ్డు అయితే దాంట్లోని కెమిక‌ల్ ద్ర‌వాలు సుల‌భంగా క‌రిగిపోతాయి కాబ‌ట్టి.
* గుడ్డును చిన్న‌గా టక్ ట‌క్‌మ‌ని కొట్టి చూడాలి. అస‌లు కోడిగుడ్డు అయితే టక్ ట‌క్‌మ‌ని బాగా వినిపిస్తుంది.
* నకిలీ గుడ్లలో ప‌చ్చ‌ని సొన కొన్ని సార్లు మ‌ధ్య‌లో తెల్ల‌గా క‌నిపిస్తుంది.
