పులుపు అంటే అయిష్టత చూపిస్తారు చాలామంది. కొందరికైతే తలుచుకుంటేనే నోరూరుతుంది. ఏదిఏమైనా శరీరంపై మంచి ప్రభావం చూపుతుంది కాబట్టి పులుపు కూడా మన శరీరంలో అంతర్భాగం చేసుకోవాలి. ఈ పులుపు లభించే పదార్థాలు ఏమిటో చూద్దాం. చింత పండు, ఉసిరి, నిమ్మ, ముగ్గని నారింజ, మామిడి వంటి పళ్ళు, వెనిగర్.
* జీర్ణ క్రియకు సహాయపడుతుంది.
* మల విసర్జన బాగా జరగుతుంది.
* నిల్వ ఉన్న జిగురు పదార్థాలను బైటకు పంపుతుంది.
* పదార్థాలకు మంచి రుచినిస్తుంది.
* జఠరాగ్నిని పెంచుతుంది. బలంగా ఉంటారు.
అధికంగా తీసుకుంటే ఏమవుతుంది?
* కఫ, వాత, పిత్త దోషాలు కలుగుతాయి.
* దృష్టి మందగిస్తుంది.
* శరీరాన్ని శిథిలపరుస్తుంది.
* ఆహారాన్ని అధికంగా జీర్ణపరుస్తుంది.
* కాళ్ళు, చేతులు నీరుపడతాయి.
* దాహం ఎక్కువ అవుతుంది.
* ఎనీమియా, చర్మ వ్యాధులు, తలతిరగడం, దురదలు కలుగుతాయి.
కాబట్టి పులుపు తినాలి కానీ మోతాదుకి మించి తినకూడదు... అదీ సంగతి.
