తయారీ విధానం : కొంచెం నూనెలో మినపప్పు, శనగపప్పు, ఎండుమిర్చి వేయించి వుంచుకోవాలి. దొండకాయల్ని అడ్డంగా రెండేసి ముక్కలుగా తరిగి రోట్లో వేసి కచ్చాపచ్చాగా దంచిపెట్టుకోవాలి. ఇప్పుడు వేయించిన పప్పులూ, ఎండుమిర్చి, ఇంగువ కలిపి మెత్తగా నూరుకోవాలి. దాంట్లోనే నూరిపెట్టుకున్న దొండకాయల తొక్కును కలిపి మరింత మెత్తగా నూరాలి.
తరువాత పైన చెప్పుకున్న పోపు వస్తువులతో పోపుపెట్టి పచ్చడికి కలపాలి. అంతే దొండకాయపచ్చడి రెడీ. దీన్ని వేడి వేడి అన్నం, నెయ్యిలతో కలిపి తింటే చాలా రుచిగా ఉంటుంది. దొండకాయలను కూరగా కూడా వండుతారు. వీటి లేత ఆకులను కూడా కొన్ని ప్రాంతాలలో కూరల్లో కలిపి వండుతుంటారు కూడా..!
