సాధారణంగా నగదు, బంగారం, తమకు ఇష్టమైన వస్తువులను దొంగతనం చేస్తుంటారు. కానీ, ఆ యువతి మాత్రం ఏకంగా ఓ ప్రైవేట్ జెట్ విమానాన్ని దొంగతనం చేయడానికి ప్రయత్నించి, ఇపుడు జైలు ఊచలు లెక్కిస్తోంది. ఈ ఆశ్చర్యకర ఘటన కాలిఫోర్నియాలోని ఫ్రెస్నో యొసమైట్ ఇంటర్నేషనల్ ఎయిర్‌పోర్టులో జరిగింది.
తాజాగా వెలుగులోకి వచ్చిన ఈ వివరాలను పరిశీలిస్తే, అమెరికాలోని కాలిఫోర్నియాకు చెందిన 17 యేళ్ళ బాలిక విమానాశ్రయం చుట్టూ ఉన్న కంచెను దాటుకొని ఓ బాలిక కింగ్ ఎయిర్ 200 అనే ప్రైవేట్ విమానం కాక్‌పిట్‌లోకి ప్రవేశించింది. విమానాన్ని తస్కరించాలని భావించి దాన్ని స్టార్ట్ చేసింది.
