నోబెల్ బహుమతులను సోమవారం నుంచి స్టాక్‌హోమ్‌లో వెల్లడించనున్నారు. ప్రధానంగా ఐదు అంశాల్లో ఈ బహుమతులను వెల్లడిస్తారు. సాహిత్యం, వైద్యం, రసాయన, భౌతిక శాస్త్రాలతో పాటు ప్రపంచ శాంతి విభాగాలలో ఈ బహుమతులను అందజేయడం ఆనవాయితీగా వస్తోంది.
ముఖ్యంగా గతంలో ఆర్థిక శాస్త్రంలో కూడా ఈ బహుమతిని అందజేశారు. అయితే, ఇది విమర్శలకు దారి తీయడంతో దీన్ని నోబెల్ పురస్కారంగా భావించడం లేదు. ఫలితంగా సాహిత్యం, వైద్యం, భౌతిక, రసాయన, ప్రపంచ శాంతి విభాగాల్లోనే ఈ బహుమతులను అందజేస్తున్నారు.
ఈ బహుమతి కింద విజేతలు ఒక్కొక్కరికి ప్రశంసాపత్రంతో పాటు 1.4 మిలియన్‌ అమెరికన్‌ డాలర్లు అందజేస్తారు. కాగా, సోమవారం వైద్య విభాగంలో, మంగళవారం ఫిజిక్స్‌ విభాగంలో, బుధవారం కెమిస్ట్రీ విభాగంలో, శుక్రవారం శాంతి విభాగంలో, సోమవారం ఆర్థిక విభాగంలో విజేతలను ప్రకటించనున్నారు.
