వాషింగ్టన్‌లో కెంట్ నగరంలో దారుణం జరిగింది. ఓ కాఫీ షాపులో పనిచేసే అమ్మాయిని ఓ కామాంధుడు బలవంతంగా ఎత్తుకెళ్లి అత్యాచారం చేసేందుకు ప్రయత్నించి విఫలయ్యాడు. ఈ దృశ్యాలు సీసీటీవీ కెమెరాలో రికార్డయ్యాయి. ఈ వివరాలను పరిశీలిస్తే,
దీనిపై బాధితురాలు స్పందించగా, 'చీకట్లో అతని నుంచి తప్పించుకునేందుకు శాయశక్తుల కృషి చేశా.. కానీ, లాభం లేకపోయింది. బయటకు తీసుకెళ్లాక అతను నన్ను గాయపరిచాడు. ప్రాణాలు పోయినా ఫర్వాలేదని అరిచా. నేను అంత ప్రతిఘటిస్తానని బహుశా అతను ఊహించకపోయి ఉంటాడు. వెంటనే అక్కడి నుంచి పారిపోయాడు' అంటూ ఆ భయానక సంఘటనను గుర్తు చేసుకుంది.
దీనిపై కేసు నమోదు చేసిన స్థానిక పోలీసులు.. సీసీటీవీ దృశ్యాల ఆధారంగా నిందితుడు మైకేల్‌ రేనాల్డ్స్‌ ను పోలీసులు అరెస్ట్‌ చేశారు. అతనికి నేర చరిత్ర ఉందని.. ఓ దోపిడీ కేసులో పదేళ్ల శిక్ష అనుభవించిన రేనాల్డ్స్‌ గత సెప్టెంబర్‌లో జైలు నుంచి విడుదలైనట్టు పోలీసులు గుర్తించారు. దీనికి సంబంధించి పోలీసులు ఓ వీడియోను కూడా రిలీజ్ చేశారు.
