2019, డిసెంబర్‌లో తొలిసారి వుహాన్‌లోనే కరోనా వెలుగు చూసిన విష‌యం తెలిసిందే. అస‌లు అది ఎక్క‌డి నుంచి వ‌చ్చిందన్న విష‌యం తెలుసుకోవ‌డానికి ఈ 10 మంది సైంటిస్టులు సింగ‌పూర్ నుంచి నేరుగా వుహాన్ చేరుకున్న‌ట్లు చైనా అధికార మీడియా ధృవీక‌రించింది.
నిజానికి చాలా రోజుల కింద‌టే ఈ టీమ్ వుహాన్‌కు రావాల్సి ఉన్నా.. చైనా ప్ర‌భుత్వం మాత్రం అనుమ‌తి నిరాక‌రించింది. వుహాన్‌లోనే కరోనా పుట్టింద‌న్న వాద‌న‌ను చైనా ఖండిస్తూ వ‌స్తున్న విష‌యం తెలిసిందే. ఈ వైరస్ పుట్టిన మార్కెట్ ఏడాది కాలంగా మూత‌ప‌డే ఉంది. అలాగే, వూహాన్ నగరంలో ఇపుడు మునుపటి సందడి కనిపించడం లేదు.
