శనివారం నుంచి ఆయన 11 రోజుల పాటు ఏకబిగువున ఆసియా దేశాల్లో పర్యటించనున్నారు. ఈ పర్యటనలో భాగంగా, జపాన్, దక్షిణ కొరియా, చైనా, వియత్నం, పిలిప్పీన్స్ దేశాల్లో ట్రంప్ పర్యటిస్తారు. ఈ టూర్‌లో భాగంగా ట్రంప్ తొలుత హవాయి చేరుకున్నారు.
కాగా, దాదాపు 25 ఏళ్ల తర్వాత ఓ అమెరికా అధ్యక్షుడు ఆసియా దేశాల్లో 11 రోజుల పాటు పర్యటించటం ఇదే తొలిసారి. ఈ పర్యటనలో భాగంగా రెండో ప్రపంచ యుద్ధ సమయంలో జపాన్ దాడి చేసిన పెరల్ హార్బర్ ప్రాంతాన్ని కూడా ట్రంప్ సందర్శించనున్నారు. ఉత్తర కొరియా సమరానికి కాలుదువ్వుతున్న వేళ ఆసియా దేశాల్లో ట్రంప్ పర్యటించటం ప్రాధాన్యత సంతరించుకుంది.
