ఆసియా కప్ హాకీలో భారత జట్టు అదుర్స్ అనిపించింది. బంగ్లాదేశ్‌లోని ఢాకాలో జరిగిన ఈ పోటీలో భారత జట్టు దుమ్మురేపింది. అద్భుత ప్రదర్శనతో ఛాంపియన్‌గా నిలిచింది. ఫైనల్ పోరులో మలేషియాను 2-1తో ఓడించి ముచ్చటగా మూడోసారి ఆసియా కప్‌ను గెలుచుకుంది. ఆదివారం మలేషియాతో ఉత్కంఠభరితంగా సాగిన ఫైనల్లో భారత్ గెలుపును సాధించింది.
ఈ మ్యాచ్‌లో మూడో నిమిషంలో రమణ్‌దీప్ సింగ్, 29వ నిమిషంలో లలిత్ ఉపాధ్యాయ్‌లు గోల్స్ అందించి భారత విజయంలో కీలకపాత్ర పోషించారు. శనివారం జరిగిన సూపర్-4 పోరులో పాకిస్థాన్‌ను 4-0 గోల్స్‌తో చిత్తు చేసిన భారత్ ఫైనల్లో ప్రవేశించింది.
