ప్రేమించిన యువతి కష్టాల్లో వుంటే ఆ ప్రేమికుడు పారిపోయాడు. ప్రేమించిన యువతి కళ్లముందే కాలిపోతుండగా.. పారిపోయాడు. ఈ ఘటన అమెరికాలోని న్యూయార్క్ నగరంలో జరిగింది. వివరాల్లోకి వెళితే... ట్యాక్సీ డ్రైవర్‌గా పనిచేస్తున్న ఓ యువకుడు ఏమాత్రం దయాదాక్షిణ్యాలు లేకుండా ప్రవర్తించాడు. తాను నడుపుతున్న కారుకి మంటలు అంటుకోవడంతో కారులోని ప్రేయసిని రక్షించకుండానే దూరంగా పరిగెత్తాడు.
రహదారిపై జరిగిన ఈ ప్రమాదం గురించి సమాచారం అందుకున్న అగ్నిమాపక అధికారులు ఘటనాస్థలానికి చేరుకున్నారు. భారత సంతతికి చెందిన 25 ఏళ్ల హర్లీన్ గ్రేవాల్ అనే యువతి కారులోనే సజీవదహనమైందని పోలీసులు గుర్తించారు. ఈ ట్యాక్సీని నడుపుతున్న సయీద్ అహ్మద్ అనే 23 ఏళ్ల యువకుడు కారులోని యువతిని రక్షించకుండా పరుగులు తీశాడు.
