వికీ పీడియా పేరు మార్చితే డబ్బులిస్తానని ఎక్స్ అధినేత ఎలాన్ మస్క్ ప్రకటించారు. ఒక ఘోర షరతు విధించారు. విరాళాలకు సంబంధించిన సందేశాన్ని షేర్ చేస్తూ.. 'వికీపీడియా పేరును (రాయటానికి వీలులేని ఓ బూతు పేరుగా) మారిస్తే .. వారికి నేను బిలియన్ డాలర్లు ఇస్తాను అని మస్క్ ట్వీట్ చేశారు. గురకపెడుతున్న ఎమోజీని షేర్ చేశారు.
ఈ పోస్టుపై నెటిజన్లు భిన్నాభిప్రాయాలు వ్యక్తం చేశారు. కొంతమంది 'ఆ డబ్బు అందిన వెంటనే తిరిగి పేరు మార్చుకోవచ్చు కదా..?' అని సలహా ఇచ్చారు. దానికి మస్క్ బదులిస్తూ.. నేనేమైనా పూల్నా.. కనీసం ఒక ఏడాది ఆ పేరు ఉండాలి' అని చెప్పారు. 'ఇది కేజ్ ఫైట్ ఛాలెంజ్ అనిపిస్తుందే, సంస్థ తన పేరు పెట్టుకుంటేనే విరాళం ఇవ్వడానికి సిద్ధంగా ఉంటాడీ ధనవంతుడు' అని మరికొందరు నెటిజన్లు స్పందించారు.
