ఫ్రాన్స్‌లో రెండు విమానాలు నింగిలో ఎదురెదురుగా ఢీకొన్నాయి. పర్యాటకులను తీసుకెళుతున్న విమానం ఒకటి మైక్రోలైట్ విమానాన్ని ఢీకొంది. ఈ ఘటన పశ్చిమ ఫ్రాన్స్‌లో భారత కాలమానం ప్రకారం, శనివారం రాత్రి 8 గంటల సమయంలో జరిగింది.
ఇద్దరితో వెళుతున్న చిన్న విమానం ఒకటి, ముగ్గురు టూరిస్టులను తీసుకెళుతున్న డీఏ 40 విమానాన్ని ఢీకొంది. దీంతో మొత్తం ఐదుగురు ప్రాణాలు కోల్పోయారు. ఈ ప్రమాదంలో రెండు విమానాల్లో ఉన్న అందరూ మరణించారని అధికారులు స్థానిక అధికారులు ప్రకటించారు.
ప్రమాదం తర్వాత మైక్రోలైట్ విమానం, ఓ ఇంటి ఫెన్సింగ్‌పై పడగా, డీఏ 40 విమానం, దానికి కొన్ని వందల మీటర్ల దూరంలోని నిర్మానుష్య ప్రాంతంలో కుప్పకూలింది. విషయం తెలిసిన వెంటనే 50 మంది ఫైర్ పైటర్లు ఘటనా స్థలికి చేరుకుని, సహాయక చర్యలు చేపట్టారు.
ప్రమాదం గురించి లియాన్ ఎమర్జెన్సీ విభాగానికి తొలుత తెలిసిందని, వారు వెంటనే విమానాన్ని ట్రాక్ చేస్తూ వచ్చి, ప్రమాదస్థలిని గుర్తించారని అధికారులు తెలిపారు. ఈ ప్రమాదానికి గల కారణాలపై విచారణ ప్రారంభించి, విమానాల్లోని బ్లాక్ బాక్స్‌ల కోసం గాలిస్తున్నారు.
