ముంబై పేలుళ్ల సూత్రధారి, జమాత్-ఉద్-దవా (జేయూడీ) చీఫ్ హఫీజ్ సయీద్ ఫోటోలతో కూడిన క్యాలెండర్‌ను పాకిస్థాన్‌కు చెందిన ఓ ఉర్దూ పత్రిక విడుదల చేసింది. తద్వారా టెర్రరిస్టులకు పాకిస్థాన్ సర్కారే కాదు.. ఆ దేశ పత్రికలు కూడా కొమ్ముకాస్తున్నాయని ప్రపంచ దేశాలు మండిపడుతున్నాయి.
ఇకపోతే, హఫీజ్ ఈ ఏడాది జరుగనున్న సార్వత్రిక ఎన్నికల్లో అన్నీ స్థానాల్లో పోటీ చేయనున్నట్లు ప్రకటించిన సంగతి తెలిసిందే. ఇటీవలే గృహనిర్భంధం నుంచి బయటపడిన హఫీజ్.. ''మిల్లి ముస్లిం లీగ్'' (ఎంఎంఎల్) పేరుతో ఓ పార్టీని స్థాపించాడు.
