అమెరికా అధ్యక్షుడిగా బాధ్యతలు చేపట్టనున్న డొనాల్డ్ ట్రంప్ ఎన్నికకావడంపై స్వదేశంలోనే నిరసనలు వ్యక్తమైన సంగతి తెలిసిందే. ఎన్నికల సందర్భంగా డొనాల్డ్ ట్రంప్ ఉపయోగించిన విద్వేష భాషనే కారణం. ముస్లింలపై, భారతీయులపై ట్రంప్ విద్వేషపూరితమైన హామీలు ఇవ్వడంతో ట్రంప్‌కు వ్యతిరేకత జోరందుకుంది. అయితే అమెరికా అధ్యక్షుడిగా ఎన్నికైన తర్వాత డొనాల్డ్ ట్రంప్ తన హామీలపై కొంత వెనక్కి తగ్గినట్లు కనిపిస్తోంది.
ఈ నేపథ్యంలో డొనాల్డ్ ట్రంప్‌కు ఓ విచిత్రమైన విజ్ఞప్తి ఆన్‌లైన్లో అందింది. ప్రముఖ పోర్న్‌స్టార్‌గా, శృంగార తారగా పేరొందిన మియా ఖలిఫాను సౌదీ అరేబియాకు అమెరికా రాయబారిగా నియమించాలంటూ చేంజ్‌.ఓఆర్‌జీ వెబ్‌సైట్‌లో ఆన్‌లైన్‌ పిటిషన్ నమోదైంది. సాంస్కృతిక నేపథ్యాలకు అతీతంగా, జాతీయంగా, అంతర్జాతీయంగా ప్రజలను ఓ చోటుకు చేరుస్తున్న ఘనత మియా ఖలిపాదని.. అందుకే..ఆమెను రాయబారిగా నియమించాలని పిటిషన్ అందింది.
