వంద అడుగుల ఎత్తులో ఉన్న హైటెన్షన్ విద్యుత్ టవర్‌ను ఎక్కాడు. దీంతో 30 వేల వోల్టుల విద్యుత్ ప్రసారమయ్యే తీగల సమీపానికి వెళ్లగానే విద్యుదాఘాతానికి గురయ్యాడు. దీంతో 100 అడుగుల ఎత్తు నుంచి కింద పడ్డాడు. ఆ తర్వాత ఏం జరగనట్టూ తాపీగా లేచి నడుచుకుంటూ వెళ్లాడు. ఈ సంఘటన ప్రత్యక్షంగా చూసిన వారంతా నోరెళ్లబెట్టడం మినహా మరేం చేయలేక పోయారు. సోషల్ మీడియాలో వైరల్‌గా మారిన ఈ వివరాలను పరిశీలిస్తే...
ఆఫ్రికాకు చెందిన వ్యక్తిగా భావిస్తున్న ఓ యువకుడు వంద అడుగుల ఎత్తున్న విద్యుత్ టవర్ ఎక్కి పనిచేస్తున్నాడు. అతడు టవర్‌పై ఉండగా షాక్ కొట్టి ఒక్కసారిగా మంటలు చెలరేగాయి. దీంతో అంత పైనుంచి ఒక్కసారిగా కింద పడ్డాడు. ఈ ఘటనను చూసినవారు అతడు ప్రాణాలు కోల్పోయి ఉంటాడని భావించారు. కానీ అప్పుడే విచిత్రం జరిగింది. కిందపడిన అతడు ఒక్కసారిగా కళ్లు తెరచి చుట్టూ చూసి ఏమీ జరగనట్టు దులుపుకుంటూ ఎంచక్కా నడుచుకుంటూ అక్కడి నుంచి వెళ్లిపోయాడు.
