ఓ ప్రియుడు తన ప్రియురాలిని ఎంజాయ్ చేసేందుకు ఇంటికి పిలిచాడు. కానీ, ప్రియురాలు వచ్చే సమయానికి అతను పీకల వరకు మందుకొట్టి నిద్రపోయాడు. దీన్ని జీర్ణించుకోలేక పోయిన ప్రియురాలు... ప్రియుడు నిద్రిస్తున్న ఇంటికి నిప్పు పెట్టింది. ఈ ఘటన అమెరికాలోని న్యూజెర్సీలో చోటుచేసుకుంది.
ఈ వివరాలను పరిశీలిస్తే, న్యూజెర్సీలోని వుడ్ బరీలో తైజా రస్సెల్(29) అనే యువతికి ఓ యువకుడు పరిచయమయ్యాడు. ఆ తర్వాత వారిద్దరూ చాలా సన్నిహితంగా మారారు. ఈ క్రమంలో ఎంజాయ్ చేసేందుకు తన ఇంటికి రావాలని ఆ యువకుడు ప్రతిపాదన తెచ్చాడు. దీనికి ఆ యువతి సమ్మతించి, ఎంతో ఆశగా ఇంటికి వచ్చింది.
కానీ, ఆ యువకుడు మాత్రం అప్పటికే పూటుగా మద్యం సేవించి గాఢ నిద్రలోకి జారుకున్నాడు. ఇంటి దగ్గరకు వచ్చిన రస్సెల్ 8 సార్లు ఫోన్ చేసింది. రెండు సార్లు సందేశాలు పంపింది. అయినా యువకుడు గుర్రుపెట్టి నిద్రపోయాడు. దీంతో సహనం కోల్పోయిన రస్సెల్ దగ్గర్లోని ఓ పెట్రోల్ బంక్‌కు వెళ్లి, ఓ బాటిల్ నిండా పెట్రోల్‌తో పాటు అగ్గిపెట్టె, లైటర్‌ను కొనుగోలు చేసింది.
ఈ ఘటనలో యువకుడి ఇల్లు పూర్తిగా ధ్వంసం కాగా, అగ్నిమాపక సిబ్బంది ఇంట్లోని శునకాన్ని కాపాడారు. ఈ ఘటనకు సంబంధించి రస్సెల్‌ను అదుపులోకి తీసుకున్న పోలీసులు, హత్యాయత్నంతో పాటు పలు సెక్షన్ల కింద కేసు నమోదుచేశారు.
