అందుకే పాకిస్థాన్‌కు అందించే సాయాన్ని ఇవ్వకూడదని భావించినట్లు ట్రంప్ చెప్పారు. అమెరికా పాకిస్థాన్ నుంచి ఏమి ఆశించి.. గత 15 ఏళ్లుగా ఆర్థిక సాయం చేస్తుందో తనకు అర్థం కావట్లేదన్నారు. ఇప్పటి వరకు అమెరికా 33 బిలియన్ డాలర్లను పాకిస్థాన్‌కు సహాయంగా ఇచ్చిందని.. అయినా పాకిస్థాన్ అబద్ధాల కోరుగా వ్యవహరించిందని.. లాడెన్ జాడ తెలిసి కూడ చెప్పలేదని ట్రంప్ అన్నారు.
పాకిస్థాన్ సర్కార్ ఏమనుకుంటోంది... అమెరికా నాయకులు చేతకాని వారనుకుంటుందా.. తమ సైనికులు ఉగ్రవాదుల వేట కోసం ఆప్ఘనిస్థాన్లో పడికాపులు పడుతుంటే.. లాడెన్ జాడ తెలిసి కూడా వారు చెప్పలేదని.. ఇంత నమ్మకద్రోహం చేసిన దేశానికి, అమెరికా ఎందుకు సహాయం చేయాలని.. అందుకే ఈ ప్రతిపాదనకు విముఖత చూపానని గతంలో కూడా ట్రంప్ ట్వీట్ చేశారు.
