భారత సార్వత్రిక ఎన్నికలకు ముందు యుద్ధం (పాక్తో) జరుగుతుందని బీజేపీ తనకు రెండేళ్ళ కిందటే చెప్పినట్లు పవన్ కళ్యాణ్ ఇటీవల వ్యాఖ్యానించారు. ఈ వ్యాఖ్యలపై రాష్ట్ర వ్యాప్తంగా చర్చ జరిగింది. ఈ వ్యాఖ్యలను పాకిస్థాన్లోని ప్రముఖ మీడియా సంస్థ "డాన్" తన వెబ్సైట్లో ప్రధానంగా ప్రస్తావించింది. ఇందుకు సంబంధించి క్లుప్తంగా సమాచారం ఇస్తూ మనదేశానికి చెందిన ఒక ఇంగ్లీష్ వెబ్సైట్లో వచ్చిన కథనాన్ని లింక్ చేసింది.
