క్యూబాలో ఘోర విమాన ప్రమాదం జరిగింది. ఈ ప్రమాదంలో సుమారు 113 మంది మృత్యువాతపడ్డారు. హవానాలోని జోస్‌‌మార్టి ఎయిర్ పోర్ట్ నుంచి శుక్రవారం ఉదయం 11 గంటల సమయంలో టేకాఫ్‌ తీసుకున్న బోయింగ్‌ 737 ఫ్లైట్ కొద్దిసేపటికే కుప్పకూలిపోయింది. ప్రమాద సమయంలో విమానంలో 104 మంది ప్రయాణికులు 9 మంది సిబ్బంది ఉన్నారు. అందులో 113 మంది మృతి చెందినట్టు అధికారికంగా ప్రకటించారు.
కాగా, ప్రయాణికులు పూర్తిగా కాలిపోవడంతో మృతులను అధికారులు గుర్తించలేకపోతున్నారు. ప్రమాదానికి గురైన బోయింగ్‌ 737-201 విమానం 1979లో తయారైంది. దాన్ని క్యూబన్‌ ఎయిర్‌‌లైన్స్‌ అద్దెకు తీసుకుని నడుపుతుందని ఎయిర్ పోర్ట్ అధికారులు తెలిపారు.
