కానీ అగ్ర రాజ్యానికి నిపుణుల కొరత అధికంగా ఉండటంతో తప్పనిసరి పరిస్థితిలో కఠిన నిబంధనలు విధించి హెచ్ 1 బి వీసాలను జారీ చేస్తున్నారు. భారత్ సహా వివిధ దేశాలకు చెందిన నిపుణులు ట్రంప్ నిర్ణయాలతో ఆందోళన చెందారు. కానీ అధికారిక గణాంకాల ప్రకారం 2019 లో హెచ్ 1 బి వీసాల జారీ ఊహించిన దానికంటే అధికంగా ఉంది. దీంతో మన దేశానికి చెందిన సాఫ్ట్ వేర్ ఉద్యోగులు ఊపిరి పీల్చుకొంటున్నారు.
హెచ్ 1 బి వీసాల జారీ ప్రక్రియ 2015 నుంచి కఠినతరం ఐంది. ప్రతి ఏడాది ఎదో ఒక కొత్త నిబంధనతో డోనాల్డ్ ట్రంప్ గవర్నమెంట్ అభ్యర్థులకు చుక్కలు చూపింది. అయినప్పటికీ ... 2019 ఆర్థిక సంవత్సరంలో మంజూరు ఐన హెచ్ 1 బి వీసాల సంఖ్య ఏకంగా 3.89 లక్షలకు పెరిగింది. 2018 ఆర్థిక సంవత్సరం లో అమెరికా 3.35 లక్షల వీసాలు జారీ చేసింది.
