ఇక మనదేశానికి సంబంధించిన భారత్ బయోటెక్ వ్యాక్సిన్ సైతం ఆగస్ట్ మూడో వారంలో ఐసీఎంఆర్ విడుదల చేసే అవకాశం ఉంది. అలాగే కరోనా వ్యాక్సిన్ తుది దశ ట్రయల్స్‌లో ఉన్న దేశాల్లో అమెరికా, భారత్, చైనా, రష్యా దేశాలు ముందున్నాయి. అయితే వీటిల్లో రష్యా ఆగస్ట్ 10 లోపు వ్యాక్సిన్ తీసుకువస్తామని ప్రకటించడం విశేషం.
తొలుత వైరస్ బారిన పడిన వైద్యులకు సరఫరా చేసి, ఆ తరువాత దేశ ప్రజలకు అందుబాటులోకి తీసుకువస్తామని ఆ దేశ వైద్య ఆరోగ్య శాఖ స్పష్టం చేసింది. సెషనోవ్ వర్శిటీ అభివృద్ధి చేస్తున్న వ్యాక్సిన్ తుది ప్రయోగాలను పూర్తి చేసుకునే దశలో ఉందని శాస్త్రవేత్తలు తెలిపారు.
