సోషల్ మీడియాలో లైకులు, ఫాలోవర్స్, కామెంట్లు, షేర్ల కోసం జనాలు ఎగబడుతున్నారు. ఇందుకోసం పిచ్చి పిచ్చి వేషాలు వేస్తున్నారు. ఈ క్రమంలో దక్షిణ కొరియా కోర్టు న్యూడ్ చిత్రాలు విడుదల చేసిన మహిళకు పది నెలల జైలు శిక్ష విధిస్తూ సంచలన తీర్పు వెలువరించింది. వివరాల్లోకి వెళితే.. దక్షిణ కొరియాకి చెందిన ఓ మహిళా మోడల్, కొందరు పురుషులతో కలిసి న్యూడ్ ఫోటోలు దిగింది. వాటిని ఆన్‌లైన్‌లో పోస్ట్ చేసింది.
కానీ అక్కడే అడ్డంగా బుక్కైంది. నగ్న చిత్రాలు ఆన్‌లైన్‌లో పోస్ట్ చేయడం, షేర్ చేయడం దక్షిణ కొరియాలో చట్టరీత్యా నేరం. అక్కడి కార్యాలయాలు, రైళ్లు, మరుగుదొడ్లు, బట్టలు మార్చుకునే గదులు, వీధుల్లోనే కాకుండా కొన్ని స్కూళ్ల దగ్గర కూడా స్పై కెమెరాలను బిగించి రహస్యంగా నగ్నచిత్రాలు, వీడియోలు తీస్తున్నారు. ఈ ఫోటోలనూ, వీడియోలను ఆన్‌లైన్‌లో పోస్ట్ చేసి, మార్కెట్ చేసుకుంటున్నారు.
ఆ కారణంగానే న్యూడ్ ఫోటోలు పోస్ట్ చేసిన మోడల్‌కు పది నెలల జైలు శిక్ష విధిస్తూ దక్షిణ కొరియా న్యాయస్థానం తీర్పు వెలువరించింది. సదరు మోడల్‌కు 40 గంటల పాటు లైంగిక నేరాలు, వాటికి విధించే శిక్షల గురించి కౌన్సిలింగ్ కూడా ఇవ్వనున్నారు.
