సరదాగా జాగింగ్ చేస్తూ ఓ యువతి సరిహద్దులు దాటేసింది. దీంతో భద్రతా దళాలకు పట్టుబడి లేనిపోని కష్టాలు తెచ్చుకుంది. తాజాగా వెలుగులోకి వచ్చిన ఈ వివరాలను పరిశీలిస్తే, 19 సంవత్సరాల సిడెల్లా రోమన్ అనే యువతి, మే 21న నదీ తీరంలో జాగింగ్ కోసం వెళ్లింది. ఫ్రాన్స్ జాతీయురాలు అయిన ఆమె, తన తల్లిదండ్రులకు కలుసుకునేందుకు కెనడా వచ్చింది. జాగింగ్ చేసుకుంటూ, పచ్చటి అందాలను చూస్తూ మైమరచి పోయి చూస్తూ, సరిహద్దులు దాటి మూడు మైళ్ల దూరం వెళ్లింది.
సరిహద్దులు సూచించేలా బోర్డులు కనిపించలేదని చెప్పినా ఆమెను బలవంతంగా అదుపులోకి తీసుకున్నారు. రోమన్ దగ్గర ఎటువంటి గుర్తింపు కార్డులూ లేకపోవడంతో ఆ ప్రాంతానికి 140 మైళ్ల దూరంలోని టకోమా నార్త్ వెస్ట్ డిటెన్షన్ సెంటర్‌కు తరలించారు. ఆక్కడ రెండు వారాల పాటు నిర్బంధించి, రోమన్ వివరాలన్నీ తెలుసుకుని విడిచిపెట్టారు.
