ఉన్నత చదువుల కోసం అమెరికా వెళ్లిన ఓ తెలుగు విద్యార్థి రోడ్డు ప్రమాదంలో మృతి చెందాడు. మృతుడు ఆచంట రేవంత్ ఆంధ్రప్రదేశ్‌లోని బాపట్ల జిల్లా పర్చూరు మండలం బోడవాడకు చెందినవాడు. ఇంజినీరింగ్‌ పూర్తి చేసిన 22 ఏళ్ల రేవంత్ గత ఏడాది డిసెంబర్‌లో ఎంఎస్‌ చేసేందుకు అమెరికా వెళ్లినట్లు బంధువులు తెలిపారు. అతను ప్రస్తుతం మాడిసన్ ప్రాంతంలోని డకోటా స్టేట్ యూనివర్శిటీలో చదువుతున్నాడు.
సమాచారం ప్రకారం, మంగళవారం పుట్టినరోజు వేడుకల కోసం ముగ్గురు స్నేహితులతో కలిసి కారులో వెళుతుండగా ప్రమాదం జరిగింది. దట్టమైన పొగమంచు కమ్ముకోవడంతో ఒక్కసారిగా వాతావరణంలో మార్పులు రావడంతో కారు అదుపు తప్పి బోల్తా పడింది.
