సూర్య భగవానుడు ద్రవ్యరాశి, గురుత్వాకర్షణ శక్తి కోల్పోతున్నాడని ఖగోళ శాస్త్రవేత్తలు చెప్తున్నారు. భూమిపై జీవులకు ఎలా వృద్ధాప్య ఛాయలు వస్తాయో.. సూర్యుడికి కూడా అలానే వచ్చాయని ఖగోళ శాస్త్రవేత్తలు చెప్తున్నారు. ఈ క్రమంలోనే దాదాపు 460కోట్ల ఏళ్ల క్రితం పుట్టిన సూర్యుడికి గ్రహాలు దూరంగా జరుగుతున్నాయని నాసా శాస్త్రవేత్తలు వెల్లడించారు.
ఇందుకు బుధ గ్రహం కక్ష్యలో వచ్చిన మార్పులే నిదర్శనమని శాస్త్రవేత్తలు తెలిపారు. ఈ విషయాన్ని నాసా పంపిన ''మెసెంజర్'' అనే అంతరిక్ష నౌక వెల్లడించింది. ఈ నౌక మార్చి 2011 నుంచి ఏప్రిల్‌ 2015 మధ్య బుధగ్రహం చుట్టూ తిరుగుతూ పలు కీలక సందేశాలను భూమిపైకి పంపింది. ఐన్‌ స్టీన్‌ ప్రతిపాదించిన ''సాపేక్ష సిద్ధాంతాన్ని'' అన్వయిస్తూ మేసేంజర్‌ సందేశాలను పరిశీలించగా ఈ విషయం బహిర్గతం అయ్యింది.
ఇకపోతే.. సూర్యుని గురించిన కొన్ని తెలుసుకోవాల్సిన విషయాలు..
సూర్యుని ఉపరితల వాతావరణం - 5,500 సెంటీ గ్రేడ్స్ ఉష్ణోగ్రత
సూర్యుని వయస్సు - 460 కోట్ల సంవత్సరాలు.
సూర్యమండలం యొక్క వ్యాసం – 1,392,684 కిలోమీటర్లు
సూర్యుని వెలుగు భూమిని చేరడానికి పట్టే సమయం 8 నిమిషాలు.
సూర్యుడు ఒక సెకన్‌కు 220 కిలోమీటర్ల వేగంతో పయనిస్తాడు.
సూర్యునికీ భూమికీ మధ్య దూరం సుమారు 15కోట్ల కిలోమీటర్లుంటుందని శాస్త్రవేత్తలు అంటున్నారు.
