డొనాల్ట్ ట్రంప్ నోట డెస్పాసిటో పాట.. వీడియో చూడండి..

నెటిజన్ మాయాజాలంతో డెస్పాసిటో పాట అమెరికా అధ్యక్షుడు డొనాల్డ్ ట్రంప్ నోట వచ్చింది. డొనాల్డ్ ట్రంప్ పాలనపై సోషల్ మీడియాలో వివిధ రకాలైన పోస్టులు మీమ్స్ వస్తుండటం పరిపాటి. అయితే నెటిజన్లు ఒకడుగు ముందుకేసి ఆతని నోట బాగా ఫేమస్ అయిన డెస్పాసిటో పాట పాడించారు.

వివరాల్లోకి వెళితే.. స్పానిష్ భాషలో లూయిస్ ఫొన్సీ, డాడీ యాంకీలు విడుదల చేసిన డెస్పాసిటో పాట యూట్యూబ్‌లో చాలా పాపులర్ అయ్యింది. ఈ పాట అత్యధికులు వీక్షించిన పాటగా రికార్డు కూడా సాధించింది. 

ఈ పాటకు సంబంధించిన కవర్ వెర్షన్లు ఎన్నొచ్చినా.. అవి కూడా యూట్యూబ్‌లో హిట్ అయ్యాయి. తాజాగా ఇదే బాట‌లో అమెరికా అధ్య‌క్షుడు డొనాల్డ్ ట్రంప్ ''డెస్పాసిటో'' పాట పాడిన వెర్ష‌న్ కూడా ఇటీవ‌ల యూట్యూబ్‌లో ప్ర‌త్య‌క్ష‌మైంది. వాస్తవానికి డొనాల్డ్ ట్రంప్ ఈ పాట పాడలేదు. అయితే ఎవ‌రో ఔత్సాహిక నెటిజ‌న్ ట్రంప్ ప్ర‌సంగాన్ని ''డెస్పాసిటో'' పాట ప‌దాల‌కు స‌రిగ్గా స‌రిపోయేలా ఎడిట్ చేసి, వీడియో పోస్ట్ చేశాడు. 

దీన్ని చూస్తుంటే నిజంగా ట్రంప్ పాట పాడాడా? అనే అనుమానం త‌ప్ప‌క క‌లుగుతుంది. ఈ వీడియో ప్రస్తుతం సోషల్ మీడియాలో వైరల్ అవుతోంది. ఇప్పటివరకు ఈ వీడియోను 26,052 మంది వీక్షించారు. మీరూ చూడండి.